مسلسل الهبل.. عبير الشرقاوي تفتح النار على إلهام شاهين بسبب مسلسل ”بطلوع الروح”
شنت الفنانة المعتزلة عبير الشرقاوي، نجلة المخرج الكبير الراحل جلال الشرقاوي، هجوم ناري على صناع مسلسل "بطلوع الروح" والمذاع حاليًا على منصة شاهد، وقناة "إم بي سي مصر".
حيث كتبت عبير الشرقاوي عبر صفحتها الخاصة والرسمية على موقع التواصل الاجتماعي فيس بوك قائلة: "أسرة مسلسل الهبل بطلوع الروح.. التناول غبى مش معقولة نطلع الناس بتوع داعش خاينين وبيرتشوا وبيشربوا خمرة..
وتابعت عبير الشرقاوي: "دول ناس بيعتبروا نفسهم مجاهدين فى سبيل الله، ومستعدين للموت فى أى لحظة.. إحنا عارفين إنهم على باطل آه، بس هما مش عارفين هما بيعتبروا نفسهم المسلم الحق، وأى حد جانبهم مسلم ناقص فمش معقولة نطلعهم بيشربوا خمرة إيه الهبل ده".
وأضافت: "بقى معقولة البطل إللى بيعتبر نفسه مجاهد عنده غزوة تانى يوم وممكن يتقتل وهو عارف كده يروح يجيب خمرة ويشرب هو ومراته... إرحمونا يا هبل خسارة الفلوس والله"..
ورد عليها نجل الفنان الراجل محمود ياسين، الكاتب والسيناريست عمرو محمود ياسين، وكتب في تعليق على منشور عبير الشرقاوي قائلا: "اسمح لي اختلف معاكي.. بنيتي الفكرة ع انه الخمره حرام في الاسلام فمستحيل الدواعش يشربوا الخمر . طيب وهو حرق الاسرى مش حرام في الاسلام ؟ هو قتل النفس التي حرم الله قتلها. الا بالحق. مش حرام بالاسلام؟ هو بالاساس ايه الجرم الاكبر؟ القتل والحرق ولا شرب الخمر؟
وأضاف عمرو محمود ياسمين: "ممكن تقولي لي هنا لا ماهو ده فهمهم الخاطيء الباطل للدين طيب ليه استبعدتي فهمهم الخاطيء لمسئلة شرب الخمر؟ مش يمكن اعتبروا ان الخمر هي ما اخذ من العنب والتمر فقط وماعداه ليس خمرا؟ ثم ليه اعتبرتي كل داعشي هو مسلم مؤمن ولكنه فقط فاهم غلط؟ مش يمكن. في دواعش. بيستفيدوا ماديا ؟ مش جايز بينهم منافقين؟ مش جايز ببنهم مضللين وفي حالة المسلسل. مش جايز هناك من افتى له بشربها. اذا كان ذلك سيعيد له زوجته. تدريجيا؟
وتابع: "ثم هل هم انبياء مثلا عشان انهم مايغلطوش ؟ دول مجرمين غلاظ القلوب ازاي تصورتي انه مستحيل. يضعف امام غرائزه وهو بالاصل مسلم نفسه للشيطان بافعاله دي ناس بتقتل الابرياء نساء واطفال و عجائز مستبعده يشرب شوية خمره؟ المشكله الكبرى التي واجهت هذا المسلسل ان بعض الناس تتعامل مع داعش. ع انهم يمثلون المسلمين! و دي مصيبه في حد ذاتها".
ثم ردت الفنانة المعتزلة عبير الشرقاوي على كل الاتهامات التي وجهت لها عبر رأيها عن مسلسل "بطلوع الروح" ووصفته بمسلسل الهبل وقالت: "للى مفهمش كلامى أو مش عايز يفهمه علشان يرقص شوية فى التريند. داعش فئة ضالة مضلله ولكن أغلبهم لا يعتقدون ذلك فى أنفسهم بل يعتقدون أنهم مسلمون حق وعندما يقتلون يظنون أنهم يقتلون فى سبيل الله وإن ثوابهم على هدا القتل هو الجنة وهنا تكمن المشكلة لأن عندهم إعتقاد إن إللى بيعملوه ده دين الحق وعشان كده هما خطرين جدآ جدآ على أى مجتمع يعيشون فيه".
