ياسمين عز شغالة نق على الصيادلة.. شوف قالت ايه
تصريحات ياسمين عز
ترى الإعلامية ياسمين عز الأطباء من الصيادلة والأسنان يتمتعون بمميزات لم تكن موجودة في أي شخصيات أخرى، وعلى حد وصفها قالت أن الزواج من الصيادلة وأطباء الأسنان خطوة لا يمكن أبدا الندم عبيها وهو بطبعه بيكون رجل نسمة وبلسم وآية في الطيبة والأخلاق والذوق العالي والرفيع.
وأضافت ياسمين عز أنهم دايما رافعين راسنا في كل مكان، وده لا يمنع إنه له نصيب من اسمه فهما بلسم الجروح ودواء يشفي العليل.
وأكدت أيضا إنها لها نصيب من اسمها ووصفت نفسها بإنها ياسميناية في نفسها .
وواصلت ياسمين عز أن الزوج الصيدلي مش زي أي زوج لكن حياته كلها منظمة وإنه بتعدي عليه روشتات بيفك شفرتها وطلاسمها من نظرة عين، وبالتالي لما مراته تزعل منه مش هيكون محتاج يسألها مالك أو ايه اللي مزعلك، لأنه عارف مفتاح كل حاجة ودايما منظم ومش هيتعب مراته لأنه كل حاجة عنده في مكانها ولا هيقولها الشراب فين ولا اللبس ده فين
واستطرت في حديثها قائلة كمان إن ممكن أي ست تدخل تسأله على دواء بعينه بعد ما تضيع منها الروشتة أو تتقطع العلبة وبمجرد ما تقوله لون الحباية ولا شكلها من لفة واحدة يقولها اتفضلي علشان كده اللي تتجوزه مش ممكن تندم أبدا وهتعيش حياتها على طول مرتاحة، أنت بس عليكي تدلعيه، دلعيه تكسبيه
